Tomografia e kompjuterizuar (CT-Scan) është një procedurë e shpejtë, pa dhimbje, jo invazive që ndihmon në diagnostikimin dhe ndjekjen e sëmundjeve të ndryshme.

Ky ekzaminim, duke përdorur rrezet X, krijon imazhe aksiale të trupit të njeriut, të cilat më pas përpunohen, analizohen dhe studiohen nën monitorimin e kompjuterit.

Imazheria me CT është një nga metodat më të mira për studimin dhe diagnostikimin e sëmundjeve të kokës, kraharorit dhe barkut, pasi imazhet e përftuara janë të detajuara dhe mund të diferencojnë mirë strukturat indore.

Metoda preferohet shpesh për diagnostikimin e sëmundjeve vaskulare (CT angiografia), duke ofruar imazhe tre-dimensionale të organeve dhe rajoneve të ndryshme të trupit, si: truri, veshkat, pelvisi, mushkëritë, zemra, qafa, dhe anësive superiore dhe inferiore.

Ky ekzaminim përdoret për diagnostikimin, identifikimin dhe vlerësimin e sëmundjeve të ndryshme të enëve të gjakut (aneurizmave, malformacioneve arterio-venoze, vlerësimin e arterieve dhe venave), ngushtimin, trajtimin dhe ndjekjen e trajtimeve të ndryshme.